ഒരുനാള്‍ ശുഭരാത്രി നേര്‍ന്നു പോയി നീ

അതൊരു പ്രതീക്ഷയാണ്
മോഹിപ്പിക്കുന്ന പ്രതീക്ഷ!
പൂത്തഗുൽമോഹർ മരത്തിന്റെ ചുവട്ടിൽ
ഋതുഭേദങ്ങൾ അറിയാതെ
കാത്തുനിൽക്കുന്നൊരു പെൺകുട്ടി!

ചിത്രം	ഗുല്‍മോഹര്‍ (2008)
ഗാനരചന	ഒ എൻ വി കുറുപ്പ്

ഒരുനാൾ ശുഭരാത്രി നേർന്നു പോയി നീ
ഇതിലേ ഒരു പൂക്കിനാവായ് വന്ന നീ
ശ്രുതി നേർത്തു നേർത്തു മായും ഋതുരാഗഗീതി പോലെ
പറയൂ നീ എങ്ങുപോയി

ഗാനമായ് വന്നു നീ മൌനമായ് മാഞ്ഞു നീ
മായുകില്ലെന്നോർമ്മയിൽ
ഗാനമായ് വന്നു നീ മൌനമായ് മാഞ്ഞു നീ
ചൈത്രമാസ നീലവാനം പൂത്തുലഞ്ഞു നിൽക്കവേ
പോവുകയോ നീയകലേ എന്റെ ഏകതാരകേ
കാതരേ കരയുന്നതാരെ കാട്ടു മൈന പോൽ

നീളുമെന്റെ യാത്രയിൽ തോളുരുമ്മിയെന്നുമെൻ
നീളുമെന്റെ യാത്രയിൽ തോഴിയായി വന്നു നീ
എന്നിലേക്കണഞ്ഞൂ നീയാം സ്നേഹസാന്ദ്ര സൌരഭം
ആതിര തൻ പാതയിലെ പാൽനിലാവ് മായവേ
കാതരേ കരയുന്നതാരേ കാട്ടുമൈന പോൽ

ഒരുനാൾ ശുഭരാത്രി നേർന്നു പോയി നീ
ഇതിലേ ഒരു പൂക്കിനാവായ് വന്ന നീ
രജനീസുഗന്ധിപൂക്കും രമണീയ യാമമായി
പറയൂ നീ എങ്ങുപോയി